॥ বেদমন্ত্রমঞ্জরি - ১ ॥
হরিঃ ওঁ
॥ ওঁ শ্রী গুরুভ্যো নমঃ হরিঃ ওঁ ॥
॥ মঙ্গলাচরণম্ ॥
শুক্লাম্বরধরং বিষ্ণুং শশিবর্ণং চতুর্ভুজম্ ।
প্রসন্নবদনং ধ্যায়েত্ সর্ববিঘ্নোপশান্তয়ে ॥ ১॥
অগজানন পদ্মার্কং গজাননমহর্নিশম্ ।
অনেকদং তং ভক্তানাং একদন্তমুপাস্মহে ॥ ২॥
বাগর্থাবিব সম্পৃক্তৌ বাগর্থপ্রতিপত্তয়ে ।
জগতঃ পিতরৌ বন্দে পার্বতীপরমেশ্বরৌ ॥ ৩॥
গুরুর্ব্রহ্মা গুরুর্বিষ্ণুঃ গুরুর্দেবো মহেশ্বরঃ ।
গুরুস্সাক্ষাত্ পরব্রহ্ম তস্মৈ শ্রী গুরবে নমঃ ॥ ৪॥
আঙ্গিকং ভুবনং য়স্য বাচিকং সর্ববাঙ্ময়ম্ ।
আহার্যং চন্দ্র তারাদি তং নুমঃ সাত্বিকং শিবম্ ॥ ৫॥
সর্বমঙ্গলমাঙ্গল্যে শিবে সর্বার্থসাধিকে ।
শরণ্যে ত্র্যম্বকে গৌরি নারায়ণি নমোঽস্তুতে ॥ ৬॥
সরস্বতি নমস্তুভ্যং বরদে কামরূপিণি ।
বিদ্যারম্ভং করিষ্যামি সিদ্ধির্ভবতু মে সদা ॥ ৭॥
ত্বমেব মাতা চ পিতা ত্বমেব ত্বমেব বন্ধুশ্চ সখা ত্বমেব ।
ত্বমেব বিদ্যা দ্রবিণং ত্বমেব ত্বমেব সর্বং মম দেব দেব ॥ ৮॥
কায়েন বাচা মনসেন্দ্রিয়ৈর্বা বুধ্যাত্মনা বা প্রকৃতেঃ স্বভাবাত্ ।
করোমি য়দ্যত্সকলং পরস্মৈ নারায়ণায়েতি সমর্পয়ামি ॥ ৯॥
ওঁ অসতো মা সদ্গময় । তমসো মা জ্যোতির্গময় । মৃত্যোর্মা অমৃতং গময় ॥ ১০॥
ওঁ ভূঃ ওঁ ভুবঃ ওঁ সুবঃ ওঁ মহঃ ওঁ জনঃ ওঁ তপঃ ওঁ সত্যম্ ।
ওঁ তত্সবিতুর্বরেণ্যং ভর্গোদেবস্য ধীমহি । ধিয়ো য়ো নঃ প্রচোদয়াত্ ॥১১॥
ওঁ গণানাং ত্বা গণপতিগ্ং হবামহে কবিং কবীনামুপমশ্রবস্তমম্ ।
জ্যেষ্ঠরাজং ব্রহ্মণাং ব্রহ্মণস্পত আ নঃ শৃণ্বন্নূতিভিস্সীদ সাদনম্ ॥ ১২॥
॥ মহাগণপতয়ে নমঃ ॥
ওঁ প্রণো দেবি সরস্বতী বাজেভির্বাজিনীবতী । ধীনামবিত্র্যবতু ॥
বাগ্দেব্যৈ নমঃ ॥
ওঁ নমো ব্রহ্মণে ধারণং মে অস্ত্বনিরাকরণং ধারয়িতা ভূয়াসং
কর্ণয়োশ্শ্রুতং মা চ্যোঢ্বং মমামুষ্য ওম্ ॥
ওঁ শান্তিঃ শান্তিঃ শান্তিঃ ।
॥ গণপত্যথর্বশীর্ষোপনিষত্ ॥
ওঁ ভদ্রং কর্ণেভিঃ শৃণুয়াম দেবাঃ । ভদ্রং পশ্যেমাক্ষভির্যজত্রাঃ ।
স্থিরৈরঙ্গৈস্তুষ্টুবাগ্ং সস্তনূভিঃ । ব্যশেম দেবহিতং য়দায়ুঃ ।
স্বস্তি ন ইন্দ্রো বৃদ্ধশ্রবাঃ । স্বস্তি নঃ পূষা বিশ্ববেদাঃ । স্বস্তি
নস্তার্ক্ষ্যো অরিষ্টনেমিঃ । স্বস্তি নো বৃহস্পতির্দধাতু ॥ ওঁ শান্তিঃ শান্তিঃ
শান্তিঃ ॥
ওঁ নমস্তে গণপতয়ে । ত্বমেব প্রত্যক্ষং তত্ত্বমসি । ত্বমেব কেবলং
কর্তাঽসি । ত্বমেব কেবলং ধর্তাঽসি । ত্বমেব কেবলং হর্তাঽসি । ত্বমেব
সর্বং খল্বিদং ব্রহ্মাসি । ত্বং সাক্ষাদাত্মাঽসি নিত্যম্ ॥ ১ ॥ ঋতং বচ্মি ।
সত্যং বচ্মি ॥ ২ ॥
অব ত্বং মাম্ । অব বক্তারম্ । অব শ্রোতারম্ । অব
দাতারম্ । অব ধাতারম্ । অবানূচানমব শিষ্যম্ । অব পশ্চাত্তাত্ ।
অব পুরস্তাত্ । অবোত্তরাত্তাত্ । অব দক্ষিণাত্তাত্ । অব চোর্ধ্বাত্তাত্ ।
অবাধরাত্তাত্ । সর্বতো মাং পাহি পাহি সমন্তাত্ ॥ ৩ ॥ ত্বং বাঙ্ময়স্ত্বং চিন্ময়ঃ ।
ত্বমানন্দময়স্ত্বং ব্রহ্মময়ঃ । ত্বং সচ্চিদানন্দাঽদ্বিতীয়োঽসি । ত্বং প্রত্যক্ষং
ব্রহ্মাসি । ত্বং জ্ঞানময়ো বিজ্ঞানময়োঽসি ॥ ৪ ॥
সর্বং জগদিদং ত্বত্তো জায়তে । সর্বং জগদিদং ত্বত্তস্তিষ্ঠতি । সর্বং জগদিদং ত্বয়ি
লয়মেষ্যতি । সর্বং জগদিদং ত্বয়ি প্রত্যেতি । ত্বং ভূমিরাপোঽনলোঽনিলো নভঃ
। ত্বং চত্বারি বাক্পদানি ॥ ৫॥
ত্বং গুণত্রয়াতীতঃ । ত্বং অবস্থাত্রয়াতীতঃ ।
ত্বং দেহত্রয়াতীতঃ । ত্বং কালত্রয়াতীতঃ । ত্বং মূলাধারস্থিতোঽসি নিত্যম্ ।
ত্বং শক্তিত্রয়াত্মকঃ । ত্বাং য়োগিনো ধ্যায়ন্তি নিত্যম্ । ত্বং ব্রহ্মা ত্বং বিষ্ণুস্ত্বং
রুদ্রস্ত্বমিন্দ্রস্ত্বমগ্নিস্ত্বং বায়ুস্ত্বং সূর্যস্ত্বং চন্দ্রমাস্ত্বং ব্রহ্ম ভূর্ভুবঃ স্বরোম্ ॥
৬ ॥
গণাদিং পূর্বমুচ্চার্য বর্ণাদীং স্তদনন্তরম্ । অনুস্বারঃ পরতরঃ ।
অর্ধেন্দুলসিতম্ । তারেণ ঋদ্ধম্ । এতত্তব মনুস্বরূপম্ । গকারঃ পূর্বরূপম্ ।
অকারো মধ্যমরূপম্ । অনুস্বারশ্চান্ত্যরূপম্ । বিন্দুরুত্তররূপম্ । নাদঃ সন্ধানম্
। সগ্ংহিতা সন্ধিঃ । সৈষা গণেশবিদ্যা । গণক ঋষিঃ । নিচৃদ্গায়ত্রীচ্ছন্দঃ
। গণপতির্দেবতা । ওঁ গং গণপতয়ে নমঃ ॥ ৭ ॥
একদন্তায় বিদ্মহে বক্রতুণ্ডায় ধীমহি । তন্নো দন্তিঃ প্রচোদয়াত্ ॥ ৮
॥ একদন্তং চতুর্হস্তং পাশমঙ্কুশধারিণম্ । রদং চ বরদং
হস্তৈর্বিভ্রাণং মূষকধ্বজম্ । রক্তং লম্বোদরং শূর্পকর্ণকং
রক্তবাসসম্ । রক্তগন্ধানুলিপ্তাঙ্গং রক্তপুষ্পৈঃ সুপূজিতম্ ।
ভক্তানুকম্পিনং দেবং জগত্কারণমচ্যুতম্ । আবির্ভূতং চ
সৃষ্ট্যাদৌ প্রকৃতেঃ পুরুষাত্পরম্ । এবং ধ্যায়তি য়ো নিত্যং স
য়োগী য়োগিনাং বরঃ॥ ৯॥ নমো ব্রাতপতয়ে নমো গণপতয়ে নমঃ প্রমথপতয়ে নমস্তেঽস্তু
লম্বোদরায়ৈকদন্তায় বিঘ্ননাশিনে শিবসুতায় বরদমূর্তয়ে নমঃ ॥ ১০ ॥
এতদথর্বশীর্ষং য়োঽধীতে স ব্রহ্মভূয়ায় কল্পতে । স সর্ববিঘ্নৈর্ন বাধ্যতে
। স সর্বত্র সুখমেধতে । স পঞ্চমহাপাপাত্ প্রমুচ্যতে । সায়মধীয়ানো
দিবসকৃতং পাপং নাশয়তি । প্রাতরধীয়ানো রাত্রিকৃতং পাপং নাশয়তি ।
সায়ং প্রাতঃ প্রয়ুঞ্জানো পাপোঽপাপো ভবতি । সর্বত্রাধীয়ানোঽপবিঘ্নো ভবতি ।
ধর্মার্থকামমোক্ষং চ বিন্দতি । ইদমথর্বশীর্ষমশিষ্যায় ন দেয়ম্ । য়ো য়দি
মোহাদ্ দাস্যতি স পাপীয়ান্ ভবতি । সহস্রাবর্তনাদ্যং য়ং কামমধীতে তং তমনেন
সাধয়েত্ ॥ ১১ ॥
অনেন গণপতিমভিষিঞ্চতি স বাগ্মী ভবতি । চতুর্থ্যামনশ্নন্ জপতি স
বিদ্যাবান্ ভবতি । ইত্যথর্বণবাক্যম্ । ব্রহ্মাদ্যাবরণং বিদ্যান্ন বিভেতি
কদাচনেতি ॥ ১২ ॥ য়ো দূর্বাঙ্কুরৈর্যজতি স বৈশ্রবণোপমো ভবতি । য়ো
লাজৈর্যজতি স য়শোবান্ ভবতি । স মেধাবান্ ভবতি । য়ো মোদকসহস্রেণ
য়জতি স বাঞ্ছিতফলমবাপ্নোতি । য়ঃ সাজ্য সমিদ্ভির্যজতি স সর্বং লভতে স
সর্বং লভতে ॥ ১৩ ॥ অষ্টৌ ব্রাহ্মণান্ সম্যগ্ গ্রাহয়িত্বা সূর্যবর্চস্বী ভবতি ।
সূর্যগ্রহে মহানদ্যাং প্রতিমাসন্নিধৌ বা জপ্ত্বা সিদ্ধমন্ত্রো ভবতি । মহাবিঘ্নাত্
প্রমুচ্যতে । মহাদোষাত্ প্রমুচ্যতে । মহাপ্রত্যবায়াত্ প্রমুচ্যতে । স সর্ববিদ্ভবতি
স সর্ববিদ্ভবতি । য় এবং বেদ । ইত্যুপনিষত্ ॥ ১৪ ॥ ওঁ শান্তিঃ শান্তিঃ
শান্তিঃ ॥
॥ পুণ্যাহবাচনম্ ॥
ওঁ ব্রহ্মজজ্ঞানং প্রথমং পুরস্তাদ্বিসীমতস্সুরুচো বেন আবঃ ।
সবুধ্নিয়া উপমা অস্য বিষ্ঠাস্সতশ্চ য়োনিমসতশ্চ বিবঃ । নাকে
সুপর্ণমুপ য়ত্পতন্তং হৃদা বেনন্তো অভ্য চক্ষত ত্বা । হিরণ্যপক্ষং
বরুণস্য দূতং য়মস্য য়োনৌ শকুনং ভুরণ্যুম্ । আপ্যায়স্ব সমেতু তে
বিশ্বতঃ সোম বৃষ্ণিয়ম্ । ভবা বাজস্য সঙ্গথে । য়ো রুদ্রো অগ্নৌ য়ো
অপ্সু য় ওষধীষু য়ো রুদ্রো বিশ্বা ভুবনা বিবেশ তস্মৈ রুদ্রায় নমো
অস্তু ॥ ইদং বিষ্ণুর্বিচক্রমে ত্রেধা নিদধে পদম্ । সমূঢমস্য পাগ্ং সুরে
। ইন্দ্রং বিশ্বা অবীবৃধন্ত্সমুদ্রব্যচসঙ্গিরো রথীতমগ্ং রথীনাং
বাজানাগ্ং সত্পতিং পতিম্ । আপো বা ইদগ্ং সর্বং বিশ্বা ভূতান্যাপঃ
প্রাণা বা আপঃ পশব আপোঽন্নমাপোঽমৃতমাপস্সংরাডাপো
বিরাডাপস্স্বরাডাপশ্ছন্দাগ্স্যাপো জ্যোতীগ্ষ্যাপো
য়জূগ্ষ্যাপস্সত্যমাপস্সর্বা দেবতা আপো ভূর্ভুবস্সুবরাপ ওম্ ॥
অপঃ প্রণয়তি । শ্রদ্ধা বা আপঃ । শ্রদ্ধামেবারভ্য প্রণীয় প্রচরতি ।
য়জ্ঞো বা আপঃ । য়জ্ঞমেবারভ্য প্রণীয় প্রচরতি । অপঃ প্রণয়তি । বজ্রো
বা আপঃ । বজ্রমেব ভ্রাতৃব্যেভ্যঃ প্রহৃত্য প্রণীয় প্রচরতি । অপঃ
প্রণয়তি । আপো বৈ রক্ষোঘ্নীঃ । রক্ষসামপহত্যৈ । অপঃ প্রণয়তি । আপো
বৈ দেবানাং প্রিয়ং ধাম । দেবানামেব প্রিয়ং ধাম প্রণীয় প্রচরতি
। অপঃ প্রণয়তি । আপো বৈ সর্বা দেবতাঃ । দেবতা এবারভ্য প্রণীয়
প্রচরতি । অপঃ প্রণয়তি । আপো বৈ শান্তাঃ । শান্তাভিরেবাস্য শুচগ্ং
শময়তি । দেবো বঃ সবিতোত্পুনাত্বচ্ছিদ্রেণ পবিত্রেণ বসোস্সূর্যস্য
রশ্মিভিঃ ॥
কূর্চাগ্রৈঃ রাক্ষসান্ ঘোরান্ ছিন্ধি কর্মবিঘাতিনঃ ।
ত্বামর্পয়ামি কুম্ভেঽস্মিন্ সাফল্যং কুরু কর্মণি ॥ ১ ॥
বৃক্ষরাজ সমুদ্ভূতাঃ শাখায়াঃ পল্লবত্বচঃ ।
য়ুষ্মান্ কুম্ভেষ্বর্পয়ামি সর্বপাপাপনুত্তয়ে ॥ ২ ॥
নালিকের সমুদ্ভূত ত্রিনেত্র হরসত্তম ।
শিখয়া দুরিতং সর্বং পাপং পীডাং চ মে নুদ ॥ ৩ ॥
স হি রত্নানি দাশুষে সুবাতি সবিতা ভগঃ । তং ভাগং চিত্রমীমহে ॥
॥ বরুণাঽবাহনম্ ॥
ওঁ তত্ত্বায়ামি ব্রহ্মণা বন্দমানস্তদাশাস্তে য়জমানো হবির্ভিঃ । অহেডমানো
বরুণেহ বোধ্যুরুশগ্ং স মা ন আয়ুঃ প্রমোষীঃ ॥ ওঁ ভূর্ভুবস্সুবরোম্ । অস্মিন্
কুম্ভে বরুণমাবাহয়ামি । বরুণস্য ইদমাসনম্ । বরুণায় নমঃ । প্রচেতসে নমঃ । সুরূপিণে
নমঃ । অপাং পতয়ে নমঃ । মকরবাহনায় নমঃ । জলাঽধিপতয়ে নমঃ । পাশহস্তায় নমঃ ।
সর্বতীর্থাধিপতয়ে নমঃ । সকলারাধনৈঃ স্বর্চিতম্ ॥ (অথ পুণ্যাহবাচনং কুর্যাত্)
॥ পবমানসূক্তম্ ॥
ওঁ ॥ হিরণ্যবর্ণাঃ শুচয়ঃ পাবকা য়াসু জাতঃ কশ্যপো য়াস্বিন্দ্রঃ ।
অগ্নিং য়া গর্ভং দধিরে বিরূপাস্তা ন আপশ্শগ্গ্ স্যোনা ভবন্তু ॥
য়াসাগ্ং রাজা বরুণো য়াতি মধ্যে সত্যানৃতে অবপশ্যং জনানাম্ ।
মধুশ্চুতশ্শুচয়ো য়াঃ পাবকাস্তা ন আপশ্শগ্গ্ স্যোনা ভবন্তু ॥
য়াসাং দেবা দিবি কৃণ্বন্তি ভক্ষং য়া অন্তরিক্ষে বহুধা ভবন্তি । য়াঃ
পৃথিবীং পয়সোন্দন্তি শুক্রাস্তা ন আপশ্শগ্গ্ স্যোনা ভবন্তু ॥ শিবেন
মা চক্ষুষা পশ্যতাপশ্শিবয়া তনুবোপ স্পৃশত ত্বচং মে । সর্বাগ্ং
অগ্নীগ্ং রপ্সুষদো হুবে বো ময়ি বর্চো বলমোজো নিধত্ত ॥
পবমানস্সুবর্জনঃ । পবিত্রেণ বিচর্ষণিঃ । য়ঃ পোতা স পুনাতু মা ।
পুনন্তু মা দেবজনাঃ । পুনন্তু মনবো ধিয়া । পুনন্তু বিশ্ব আয়বঃ ।
জাতবেদঃ পবিত্রবত্ । পবিত্রেণ পুনাহি মা । শুক্রেণ দেবদীদ্যত্ । অগ্নে
ক্রত্বা ক্রতূগ্ং রনু । য়ত্তে পবিত্রমর্চিষি । অগ্নে বিততমন্তরা ।
ব্রহ্ম তেন পুনীমহে । উভাভ্যাং দেবসবিতঃ । পবিত্রেণ সবেন চ । ইদং
ব্রহ্ম পুনীমহে । বৈশ্বদেবী পুনতী দেব্যাগাত্ । য়স্যৈ বহ্বীস্তনুবো
বীতপৃষ্ঠাঃ । তয়া মদন্তঃ সধমাদ্যেষু । বয়গ্গ্ স্যাম পতয়ো
রয়ীণাম্ । বৈশ্বানরো রশ্মিভির্মা পুনাতু । বাতঃ প্রাণেনেষিরো ময়ো
ভূঃ । দ্যাবাপৃথিবী পয়সা পয়োভিঃ । ঋতাবরী য়জ্ঞিয়ে মা পুনীতাম্ ॥
বৃহদ্ভিঃ সবিতস্তৃভিঃ । বর্ষিষ্ঠৈ-র্দেবমন্মভিঃ । অগ্নে দক্ষৈঃ
পুনাহি মা । য়েন দেবা অপুনত । য়েনাপো দিব্যঙ্কশঃ । তেন দিব্যেন ব্রহ্মণা
। ইদং ব্রহ্ম পুনীমহে । য়ঃ পাবমানীরদ্ধ্যেতি । ঋষিভিস্সম্ভৃতগ্ং
রসম্ । সর্বগ্ং স পূতমশ্নাতি । স্বদিতং মাতরিশ্বনা । পাবমানীর্যো
অধ্যেতি । ঋষিভিস্সম্ভৃতগ্ং রসম্ । তস্মৈ সরস্বতী দুহে ।
ক্ষীরগ্ং সর্পির্মধূদকম্ ॥ পাবমানীস্স্বস্ত্যয়নীঃ । সুদুঘাহি
পয়স্বতীঃ । ঋষিভিস্সম্ভৃতো রসঃ । ব্রাহ্মণেষ্বমৃতগ্ং হিতম্
। পাবমানীর্দিশন্তু নঃ । ইমং লোকমথো অমুম্ । কামান্থ্সমর্ধয়ন্তু
নঃ । দেবী-র্দেবৈঃ সমাভৃতাঃ । পাবমানীস্স্বস্ত্যয়নীঃ । সুদুঘাহি
ঘৃতশ্চুতঃ । ঋষিভিঃ সম্ভৃতো রসঃ । ব্রাহ্মণেষ্বমৃতগ্ং
হিতম্ । য়েন দেবাঃ পবিত্রেণ । আত্মানং পুনতে সদা । তেন সহস্রধারেণ
। পাবমান্যঃ পুনন্তু মা । প্রাজাপত্যং পবিত্রম্ । শতোদ্যামগ্ং হিরণ্ময়ম্
। তেন ব্রহ্ম বিদো বয়ম্ । পূতং ব্রহ্ম পুনীমহে । ইন্দ্রস্সুনীতী সহমা
পুনাতু । সোমস্স্বস্ত্যা বরুণস্সমীচ্যা । য়মো রাজা প্রমৃণাভিঃ পুনাতু মা ।
জাতবেদা মোর্জয়ন্ত্যা পুনাতু । ভূর্ভুবস্সুবঃ ॥
ওঁ তচ্ছং য়োরাবৃণীমহে । গাতুং য়জ্ঞায় । গাতুং য়জ্ঞপতয়ে
। দৈবীস্স্বস্তিরস্তু নঃ । স্বস্তির্মানুষেভ্যঃ । ঊর্ধ্বং জিগাতু ভেষজম্ ।
শন্নো অস্তু দ্বিপদে । শং চতুষ্পদে ॥ ওঁ শান্তিঃ শান্তিঃ শান্তিঃ ॥
॥ লঘুন্যাসঃ ॥
ওঁ অথাত্মানগ্ং শিবাত্মানগ্ শ্রীরুদ্ররূপং ধ্যায়েত্ ॥
শুদ্ধস্ফটিকসঙ্কাশং ত্রিনেত্রং পঞ্চবক্ত্রকম্ । গঙ্গাধরং দশভুজং
সর্বাভরণভূষিতম্ ॥ নীলগ্রীবং শশাঙ্কাঙ্কং নাগয়জ্ঞোপবীতিনম্ । ব্যাঘ্রচর্মোত্তরীয়ং
চ বরেণ্যমভয়প্রদম্ ॥ কমণ্ডল্বক্ষসূত্রাণাং ধারিণং শূলপাণিনম্ । জ্বলন্তং
পিঙ্গলজটা-শিখামুদ্যোতধারিণম্ ॥ বৃষস্কন্ধ-সমারূঢম্ উমাদেহার্ধ-ধারিণম্ ।
অমৃতেনাপ্লুতং শান্তং দিব্যভোগসমন্বিতম্ ॥ দিগ্দেবতাসমায়ুক্তং সুরাসুরনমস্কৃতম্ । নিত্যং
চ শাশ্বতং শুদ্ধং ধ্রুবমক্ষরমব্যয়ম্ ॥ সর্বব্যাপিনমীশানং রুদ্রং বৈ বিশ্বরূপিণম্ ।
এবং ধ্যাত্বা দ্বিজসম্যক্ ততো য়জনমারভেত্ ॥
ওঁ প্রজননে ব্রহ্মা তিষ্ঠতু । পাদয়োর্বিষ্ণুস্তিষ্ঠতু । হস্তয়োর্হরস্তিষ্ঠতু ।
বাহ্বোরিন্দ্রস্তিষ্ঠতু । জঠরেঽগ্নিস্তিষ্ঠতু । হৃদয়ে শিবস্তিষ্ঠতু । কণ্ঠে
বসবস্তিষ্ঠন্তু । বক্ত্রে সরস্বতী তিষ্ঠতু । নাসিকয়োর্বায়ুস্তিষ্ঠতু । নয়নয়োশ্চন্দ্রাদিত্যোউ
তিষ্ঠেতাম্ । কর্ণয়োরশ্বিনোউ তিষ্ঠেতাম্ । ললাটে রুদ্রাস্তিষ্ঠন্তু । মূর্ধ্ন্যাদিত্যাস্তিষ্ঠন্তু
। শিরসি মহাদেবস্তিষ্ঠতু । শিখায়াং বামদেবস্তিষ্ঠতু । পৃষ্ঠে পিনাকী তিষ্ঠতু ।
পুরতঃ শূলী তিষ্ঠতু । পার্শ্বয়োঃ শিবাশঙ্করৌ তিষ্ঠেতাম্ । সর্বতো বায়ুস্তিষ্ঠতু । ততো
বহিঃ সর্বতোঽগ্নির্জ্বালামালা পরিবৃতস্তিষ্ঠতু । সর্বেষ্বঙ্গেষু সর্বা দেবতা য়থাস্থানং
তিষ্ঠন্তু । মাগ্ং রক্ষন্তু । সর্বান্ মহাজনান্ রক্ষন্তু ॥
ওঁ অগ্নির্মে বাচি শ্রিতঃ । বাগ্ধৃদয়ে । হৃদয়ং ময়ি । অহমমৃতে ।
অমৃতং ব্রহ্মণি । বায়ুর্মে প্রাণে শ্রিতঃ । প্রাণো হৃদয়ে । হৃদয়ং
ময়ি । অহমমৃতে । অমৃতং ব্রহ্মণি । সূর্যো মে চক্ষুষি শ্রিতঃ ।
চক্ষুর্হৃদয়ে । হৃদয়ং ময়ি । অহমমৃতে । অমৃতং ব্রহ্মণি
। চন্দ্রমা মে মনসি শ্রিতঃ । মনো হৃদয়ে । হৃদয়ং ময়ি ।
অহমমৃতে । অমৃতং ব্রহ্মণি । দিশো মে শ্রোত্রে শ্রিতাঃ । শ্রোত্রগ্ং
হৃদয়ে । হৃদয়ং ময়ি । অহমমৃতে । অমৃতং ব্রহ্মণি । আপো মে
রেতসি শ্রিতাঃ । রেতো হৃদয়ে । হৃদয়ং ময়ি । অহমমৃতে । অমৃতং
ব্রহ্মণি । পৃথিবী মে শরীরে শ্রিতা । শরীরগ্ং হৃদয়ে । হৃদয়ং
ময়ি । অহমমৃতে । অমৃতং ব্রহ্মণি । ওষধিবনস্পতয়ো
মে লোমসু শ্রিতাঃ । লোমানি হৃদয়ে । হৃদয়ং ময়ি । অহমমৃতে ।
অমৃতং ব্রহ্মণি । ইন্দ্রো মে বলে শ্রিতঃ । বলগ্ং হৃদয়ে । হৃদয়ং
ময়ি । অহমমৃতে । অমৃতং ব্রহ্মণি । পর্জন্যো মে মূর্ধ্নি শ্রিতঃ ।
মূর্ধা হৃদয়ে । হৃদয়ং ময়ি । অহমমৃতে । অমৃতং ব্রহ্মণি ।
ঈশানো মে মন্যৌ শ্রিতঃ । মন্যুর্হৃদয়ে । হৃদয়ং ময়ি । অহমমৃতে ।
অমৃতং ব্রহ্মণি । আত্মা ম আত্মনি শ্রিতঃ । আত্মা হৃদয়ে । হৃদয়ং
ময়ি । অহমমৃতে । অমৃতং ব্রহ্মণি । পুনর্ম আত্মা পুনরায়ুরাগাত্ ।
পুনঃ প্রাণঃ পুনরাকূতমাগাত্ । বৈশ্বানরো রশ্মিভির্বাবৃধানঃ ।
অন্তস্তিষ্ঠত্বমৃতস্য গোপাঃ ॥
অস্য শ্রী রুদ্রাধ্যায় প্রশ্ন মহামন্ত্রস্য অঘোর ঋষিঃ, অনুষ্টুপ্ ছন্দঃ,
সঙ্কর্ষণমূর্তিস্বরূপো য়োঽসাবাদিত্যঃ পরমপুরুষঃ স এষ রুদ্রো দেবতা । নমঃ শিবায়েতি
বীজম্ । শিবতরায়েতি শক্তিঃ । মহাদেবায়েতি কীলকম্ । শ্রী সাম্বসদাশিব প্রসাদ সিদ্ধ্যর্থে
জপে বিনিয়োগঃ ॥
ওঁ অগ্নিহোত্রাত্মনে অঙ্গুষ্ঠাভ্যাং নমঃ । দর্শপূর্ণমাসাত্মনে তর্জনীভ্যাং নমঃ ।
চাতুর্মাস্যাত্মনে মধ্যমাভ্যাং নমঃ । নিরূঢপশুবন্ধাত্মনে অনামিকাভ্যাং নমঃ ।
জ্যোতিষ্টোমাত্মনে কনিষ্ঠিকাভ্যাং নমঃ । সর্বক্রত্বাত্মনে করতলকরপৃষ্ঠাভ্যাং নমঃ
। অগ্নিহোত্রাত্মনে হৃদয়ায় নমঃ । দর্শপূর্ণমাসাত্মনে শিরসে স্বাহা । চাতুর্মাস্যাত্মনে
শিখায়ৈ বষট্ । নিরূঢপশুবন্ধাত্মনে কবচায় হুম্ । জ্যোতিষ্টোমাত্মনে নেত্রত্রয়ায় বোউষট্
। সর্বক্রত্বাত্মনে অস্ত্রায় ফট্ । ভূর্ভুবস্সুবরোমিতি দিগ্বন্ধঃ ।
॥ ধ্যানম্ ॥
আপাতাळ-নভঃ স্থলান্ত-ভুবন-ব্রহ্মাণ্ড-মাবিস্ফুর-
জ্জ্যোতিঃ স্ফাটিক-লিঙ্গ-মোউळি-বিলসত্পূর্ণেন্দু-বান্তামৃতৈঃ ।
অস্তোকাপ্লুত-মেক-মীশ-মনিশং রুদ্রানুবাকাঞ্জপন্
ধ্যায়ে-দীপ্সিত-সিদ্ধয়ে ধ্রুবপদং বিপ্রোঽভিষিঞ্চে-চ্ছিবম্ ॥
ব্রহ্মাণ্ডব্যাপ্তদেহা ভসিতহিমরুচা ভাসমানা ভুজঙ্গৈঃ
কণ্ঠে কালাঃ কপর্দাকলিত শশিকলা-শ্চণ্ডকোদণ্ড হস্তাঃ ॥
ত্র্যক্ষা রুদ্রাক্ষমালাঃ প্রকটিতবিভবাঃ শাম্ভবা মূর্তিভেদা
রুদ্রাঃ শ্রীরুদ্রসূক্ত-প্রকটিতবিভবা নঃ প্রয়চ্ছন্তু সোউখ্যম্ ॥
ওঁ গণানাং ত্বা গণপতিগ্ং হবামহে কবিং কবীনামুপমশ্রবস্তমম্ ।
জ্যেষ্ঠরাজং ব্রহ্মণাং ব্রহ্মণস্পত আ নঃ শৃণ্বন্নূতিভিস্সীদ সাদনম্
॥ মহাগণপতয়ে নমঃ ॥
ওঁ শং চ মে ময়শ্চ মে প্রিয়ং চ মেঽনুকামশ্চ মে কামশ্চ মে
সৌমনসশ্চ মে ভদ্রং চ মে শ্রেয়শ্চ মে বস্যশ্চ মে য়শশ্চ
মে ভগশ্চ মে দ্রবিণং চ মে য়ন্তা চ মে ধর্তা চ মে ক্ষেমশ্চ মে
ধৃতিশ্চ মে বিশ্বং চ মে মহশ্চ মে সংবিচ্চ মে জ্ঞাত্রং চ মে
সূশ্চ মে প্রসূশ্চ মে সীরং চ মে লয়শ্চ ম ঋতং চ মেঽমৃতং চ
মেঽয়ক্ষ্মং চ মেঽনাময়চ্চ মে জীবাতুশ্চ মে দীর্ঘায়ুত্বং চ মেঽনমিত্রং
চ মেঽভয়ং চ মে সুগং চ মে শয়নং চ মে সূষা চ মে সুদিনং
চ মে ॥ ওঁ শান্তিঃ শান্তিঃ শান্তিঃ ॥
॥ শিবোপাসন মন্ত্রাঃ ॥
নিধনপতয়ে নমঃ । নিধনপতান্তিকায় নমঃ । ঊর্ধ্বায় নমঃ । ঊর্ধ্বলিঙ্গায় নমঃ
। হিরণ্যায় নমঃ । হিরণ্যলিঙ্গায় নমঃ । সুবর্ণায় নমঃ । সুর্বর্ণলিঙ্গায় নমঃ ।
দিব্যায় নমঃ । দিব্যলিঙ্গায় নমঃ । ভবায় নমঃ । ভবলিঙ্গায় নমঃ । শর্বায়
নমঃ । শর্বলিঙ্গায় নমঃ । শিবায় নমঃ । শিবলিঙ্গায় নমঃ । জ্বলায় নমঃ ।
জ্বললিঙ্গায় নমঃ । আত্মায় নমঃ । আত্মলিঙ্গায় নমঃ । পরমায় নমঃ । পরমলিঙ্গায়
নমঃ । এতথ্সোমস্য সূর্যস্য সর্বলিঙ্গগ্গ্ স্থাপয়তি পাণিমন্ত্রং পবিত্রম্ ॥
সদ্যোজাতং প্রপদ্যামি সদ্যোজাতায় বৈ নমো নমঃ । ভবে ভবে
নাতিভবে ভবস্ব মাম্ । ভবোদ্ভবায় নমঃ ॥ বামদেবায় নমো
জ্যেষ্ঠায় নমশ্শ্রেষ্ঠায় নমো রুদ্রায় নমঃ কালায় নমঃ
কলবিকরণায় নমো বলবিকরণায় নমো বলায় নমো বলপ্রমথনায়
নমস্সর্বভূতদমনায় নমো মনোন্মনায় নমঃ ॥ অঘোরেভ্যোঽথ
ঘোরেভ্যো ঘোরঘোরতরেভ্যঃ । সর্বেভ্যঃ সর্বশর্বেভ্যো নমস্তে
অস্তু রুদ্ররূপেভ্যঃ ॥ তত্পুরুষায় বিদ্মহে মহাদেবায় ধীমহি । তন্নো
রুদ্রঃ প্রচোদয়াত্ ॥ ঈশান-স্সর্ববিদ্যানা-মীশ্বর-স্সর্ব ভূতানাং
ব্রহ্মাঽধিপতির্ব্রহ্মণোঽধিপতির্ব্রহ্মা শিবো মে অস্তু সদাশিবোম্ ॥
নমো হিরণ্যবাহবে হিরণ্যবর্ণায় হিরণ্যরূপায় হিরণ্যপতয়েঽম্বিকাপতয় উমাপতয়ে পশুপতয়ে
নমো নমঃ । ঋতগ্ং সত্যং পরং ব্রহ্ম পুরুষং কৃষ্ণপিঙ্গলম্ ।
ঊর্ধ্বরেতং বিরূপাক্ষং বিশ্বরূপায় বৈ নমো নমঃ ॥ সর্বো বৈ
রুদ্র-স্তস্মৈ রুদ্রায় নমো অস্তু । পুরুষো বৈ রুদ্র-স্সন্মহো নমো
নমঃ । বিশ্বং ভূতং ভুবনং চিত্রং বহুধা জাতং জায়মানং চ য়ত্ ।
সর্বো হ্যেষ রুদ্র-স্তস্মৈ রুদ্রায় নমো অস্তু । কদ্রুদ্রায় প্রচেতসে
মীঢুষ্টমায় তব্যসে । বো চেম শন্তমগ্ং হৃদে । সর্বো হ্যেষ
রুদ্র-স্তস্মৈ রুদ্রায় নমো অস্তু ॥
॥ শ্রী রুদ্রপ্রশ্নঃ ॥
ওঁ নমো ভগবতে রুদ্রায় ॥
ওঁ নমস্তে রুদ্র মন্যব উতোত ইষবে নমঃ । নমস্তে অস্তু ধন্বনে
বাহুভ্যামুত তে নমঃ । য়া ত ইষুঃ শিবতমা শিবং বভূব তে
ধনুঃ । শিবা শরব্যা য়া তব তয়া নো রুদ্র মৃডয় । য়া তে রুদ্র শিবা
তনূরঘোরাঽপাপকাশিনী । তয়া নস্তনুবা শন্তময়া গিরিশন্তাভিচাকশীহি
। য়ামিষুং গিরিশন্ত হস্তে বিভর্ষ্যস্তবে । শিবাং গিরিত্র তাং কুরু মা
হিগ্ংসীঃ পুরুষং জগত্ । শিবেন বচসা ত্বা গিরিশাচ্ছাবদামসি । য়থা
নঃ সর্বমিজ্জগদয়ক্ষ্মগ্ং সুমনা অসত্ । অধ্যবোচদধিবক্তা প্রথমো
দৈব্যো ভিষক্ । অহীগ্শ্চ সর্বাঞ্জম্ভয়ন্ত্সর্বাশ্চ য়াতুধান্যঃ । অসৌ
য়স্তাম্রো অরুণ উত বভ্রুঃ সুমঙ্গলঃ । য়ে চেমাগ্ং রুদ্রা অভিতো দিক্ষু
শ্রিতাঃ সহস্রশোঽবৈষাগ্ং হেড ঈমহে । অসৌ য়োঽবসর্পতি নীলগ্রীবো
বিলোহিতঃ । উতৈনং গোপা অদৃশন্নদৃশন্নুদহার্যঃ । উতৈনং বিশ্বা
ভূতানি স দৃষ্টো মৃডয়াতি নঃ । নমো অস্তু নীলগ্রীবায় সহস্রাক্ষায়
মীঢুষে । অথো য়ে অস্য সত্ত্বানোঽহং তেভ্যোঽকরন্নমঃ । প্রমুঞ্চ
ধন্বনস্ত্বমুভয়োরার্ত্নিয়োর্জ্যাম্ । য়াশ্চ তে হস্ত ইষবঃ পরা তা
ভগবো বপ । অবতত্য ধনুস্তবগ্ং সহস্রাক্ষ শতেষুধে । নিশীর্য
শল্যানাং মুখা শিবো নঃ সুমনা ভব । বিজ্যং ধনুঃ কপর্দিনো
বিশল্যো বাণবাগ্ং উত । অনেশন্নস্যেষব আভুরস্য নিষংগথিঃ
। য়া তে হেতির্মীঢুষ্টম হস্তে বভূব তে ধনুঃ । তয়াঽস্মান্,
বিশ্বতস্ত্বময়ক্ষ্ময়া পরিব্ভুজ । নমস্তে অস্ত্বায়ুধায়ানাততায়
ধৃষ্ণবে । উভাভ্যামুত তে নমো বাহুভ্যাং তব ধন্বনে । পরি
তে ধন্বনো হেতিরস্মান্বৃণক্তু বিশ্বতঃ । অথো য় ইষুধিস্তবারে
অস্মন্নিধেহি তম্ ॥ ১ ॥
শম্ভবে নমঃ । নমস্তে অস্তু ভগবন্বিশ্বেশ্বরায় মহাদেবায় ত্র্যম্বকায়
ত্রিপুরান্তকায় ত্রিকাগ্নিকালায় কালাগ্নিরুদ্রায় নীলকণ্ঠায় মৃত্যুঞ্জয়ায়
সর্বেশ্বরায় সদাশিবায় শ্রীমন্মহাদেবায় নমঃ ॥
নমো হিরণ্যবাহবে সেনান্যে দিশাং চ পতয়ে নমো নমো বৃক্ষেভ্যো
হরিকেশেভ্যঃ পশূনাং পতয়ে নমো নমঃ সস্পিঞ্জরায় ত্বিষীমতে
পথীনাং পতয়ে নমো নমো বভ্লুশায় বিব্যাধিনেঽন্নানাং পতয়ে নমো
নমো হরিকেশায়োপবীতিনে পুষ্টানাং পতয়ে নমো নমো ভবস্য হেত্যৈ
জগতাং পতয়ে নমো নমো রুদ্রায়াততাবিনে ক্ষেত্রাণাং পতয়ে নমো
নমঃ সূতায়াহন্ত্যায় বনানাং পতয়ে নমো নমো রোহিতায় স্থপতয়ে
বৃক্ষাণাং পতয়ে নমো নমো মন্ত্রিণে বাণিজায় কক্ষাণাং পতয়ে
নমো নমো ভুবংতয়ে বারিবস্কৃতায়ৌষধীনাং পতয়ে নমো নম
উচ্চৈর্ঘোষায়াক্রন্দয়তে পত্তীনাং পতয়ে নমো নমঃ কৃত্স্নবীতায়
ধাবতে সত্ত্বনাং পতয়ে নমঃ ॥ ২ ॥
নমঃ সহমানায় নিব্যাধিন আব্যাধিনীনাং পতয়ে নমো নমঃ ককুভায়
নিষঙ্গিণে স্তেনানাং পতয়ে নমো নমো নিষঙ্গিণ ইষুধিমতে
তস্করাণাং পতয়ে নমো নমো বঞ্চতে পরিবঞ্চতে স্তায়ূনাং পতয়ে
নমো নমো নিচেরবে পরিচরায়ারণ্যানাং পতয়ে নমো নমঃ সৃকাবিভ্যো
জিঘাগ্ংসদ্ভ্যো মুষ্ণতাং পতয়ে নমো নমোঽসিমদ্ভ্যো নক্তঞ্চরদ্ভ্যঃ
প্রকৃন্তানাং পতয়ে নমো নম উষ্ণীষিণে গিরিচরায় কুলুঞ্চানাং
পতয়ে নমো নম ইষুমদ্ভ্যো ধন্বাবিভ্যশ্চ বো নমো নম আতন্বানেভ্যঃ
প্রতিদধানেভ্যশ্চ বো নমো নম আয়চ্ছদ্ভ্যো বিসৃজদ্ভ্যশ্চ বো নমো
নমোঽস্যদ্ভ্যো বিধ্যদ্ভ্যশ্চ বো নমো নম আসীনেভ্যঃ শয়ানেভ্যশ্চ
বো নমো নমঃ স্বপদ্ভ্যো জাগ্রদ্ভ্যশ্চ বো নমো নমস্তিষ্ঠদ্ভ্যো
ধাবদ্ভ্যশ্চ বো নমো নমঃ সভাভ্যঃ সভাপতিভ্যশ্চ বো নমো নমো
অশ্বেভ্যোঽশ্বপতিভ্যশ্চ বো নমঃ ॥ ৩ ॥
নম আব্যধিনীভ্যো বিবিধ্যন্তীভ্যশ্চ বো নমো নম
উগণাভ্যস্তৃগ্ংহতীভ্যশ্চ বো নমো নমো গৃত্সেভ্যো গৃত্সপতিভ্যশ্চ
বো নমো নমো ব্রাতেভ্যো ব্রাতপতিভ্যশ্চ বো নমো নমো গণেভ্যো
গণপতিভ্যশ্চ বো নমো নমো বিরূপেভ্যো বিশ্বরূপেভ্যশ্চ বো নমো নমো
মহদ্ভ্যঃ, ক্ষুল্লকেভ্যশ্চ বো নমো নমো রথিভ্যোঽরথেভ্যশ্চ
বো নমো নমো রথেভ্যো রথপতিভ্যশ্চ বো নমো নমঃ সেনাভ্যঃ
সেনানিভ্যশ্চ বো নমো নমঃ, ক্ষত্তৃভ্যঃ সঙ্গ্রহীতৃভ্যশ্চ বো নমো
নমস্তক্ষভ্যো রথকারেভ্যশ্চ বো নমো নমঃ কুলালেভ্যঃ কর্মারেভ্যশ্চ
বো নমো নমঃ পুঞ্জিষ্টেভ্যো নিষাদেভ্যশ্চ বো নমো নম ইষুকৃদ্ভ্যো
ধন্বকৃদ্ভ্যশ্চ বো নমো নমো মৃগয়ুভ্যঃ শ্বনিভ্যশ্চ বো নমো
নমঃ শ্বভ্যঃ শ্বপতিভ্যশ্চ বো নমঃ ॥ ৪ ॥
নমো ভবায় চ রুদ্রায় চ নমঃ শর্বায় চ পশুপতয়ে চ নমো
নীলগ্রীবায় চ শিতিকণ্ঠায় চ নমঃ কপর্দিনে চ ব্যুপ্তকেশায় চ নমঃ
সহস্রাক্ষায় চ শতধন্বনে চ নমো গিরিশায় চ শিপিবিষ্টায় চ
নমো মীঢুষ্টমায় চেষুমতে চ নমো হ্রস্বায় চ বামনায় চ নমো
বৃহতে চ বর্ষীয়সে চ নমো বৃদ্ধায় চ সংবৃধ্বনে চ নমো
অগ্রিয়ায় চ প্রথমায় চ নম আশবে চাজিরায় চ নমঃ শীঘ্রিয়ায়
চ শীভ্যায় চ নম ঊর্ম্যায় চাবস্বন্যায় চ নমঃ স্রোতস্যায় চ
দ্বীপ্যায় চ ॥ ৫ ॥
নমো জ্যেষ্ঠায় চ কনিষ্ঠায় চ নমঃ পূর্বজায় চাপরজায় চ
নমো মধ্যমায় চাপগল্ভায় চ নমো জঘন্যায় চ বুধ্নিয়ায় চ
নমঃ সোভ্যায় চ প্রতিসর্যায় চ নমো য়াম্যায় চ ক্ষেম্যায় চ
নম উর্বর্যায় চ খল্যায় চ নমঃ শ্লোক্যায় চাঽবসান্যায় চ
নমো বন্যায় চ কক্ষ্যায় চ নমঃ শ্রবায় চ প্রতিশ্রবায় চ
নম আশুষেণায় চাশুরথায় চ নমঃ শূরায় চাবভিন্দতে চ নমো
বর্মিণে চ বরূথিনে চ নমো বিল্মিনে চ কবচিনে চ নমঃ শ্রুতায়
চ শ্রুতসেনায় চ ॥ ৬ ॥
নমো দুন্দুভ্যায় চাহনন্যায় চ নমো ধৃষ্ণবে চ প্রমৃশায়
চ নমো দূতায় চ প্রহিতায় চ নমো নিষঙ্গিণে চেষুধিমতে
চ নমস্তীক্ষ্ণেষবে চায়ুধিনে চ নমঃ স্বায়ুধায় চ সুধন্বনে
চ নমঃ স্রুত্যায় চ পথ্যায় চ নমঃ কাট্যায় চ নীপ্যায় চ
নমঃ সূদ্যায় চ সরস্যায় চ নমো নাদ্যায় চ বৈশন্তায় চ নমঃ
কূপ্যায় চাবট্যায় চ নমো বর্ষ্যায় চাবর্ষ্যায় চ নমো মেঘ্যায়
চ বিদ্যুত্যায় চ নম ঈধ্রিয়ায় চাতপ্যায় চ নমো বাত্যায় চ
রেষ্মিয়ায় চ নমো বাস্তব্যায় চ বাস্তু পায় চ ॥ ৭ ॥
নমঃ সোমায় চ রুদ্রায় চ নমস্তাম্রায় চারুণায় চ নমঃ শঙ্গায়
চ পশুপতয়ে চ নম উগ্রায় চ ভীমায় চ নমো অগ্রেবধায়
চ দূরেবধায় চ নমো হন্ত্রে চ হনীয়সে চ নমো বৃক্ষেভ্যো
হরিকেশেভ্যো নমস্তারায় নমশ্শম্ভবে চ ময়োভবে চ নমঃ
শঙ্করায় চ ময়স্করায় চ নমঃ শিবায় চ শিবতরায় চ
নমস্তীর্থ্যায় চ কূল্যায় চ নমঃ পার্যায় চাবার্যায় চ নমঃ
প্রতরণায় চোত্তরণায় চ নম আতার্যায় চালাদ্যায় চ নমঃ
শষ্প্যায় চ ফেন্যায় চ নমঃ সিকত্যায় চ প্রবাহ্যায় চ ॥ ৮ ॥
নম ইরিণ্যায় চ প্রপথ্যায় চ নমঃ কিগ্ংশিলায় চ ক্ষয়ণায় চ
নমঃ কপর্দিনে চ পুলস্তয়ে চ নমো গোষ্ঠ্যায় চ গৃহ্যায় চ
নমস্তল্প্যায় চ গেহ্যায় চ নমঃ কাট্যায় চ গহ্বরেষ্ঠায় চ নমো
হ্রদয়্যায় চ নিবেষ্প্যায় চ নমঃ পাগ্ং সব্যায় চ রজস্যায় চ নমঃ
শুষ্ক্যায় চ হরিত্যায় চ নমো লোপ্যায় চোলপ্যায় চ নম ঊর্ব্যায়
চ সূর্ম্যায় চ নমঃ পর্ণ্যায় চ পর্ণশদ্যায় চ নমোঽপগুরমাণায়
চাভিঘ্নতে চ নম আখ্খিদতে চ প্রখ্খিদতে চ নমো বঃ কিরিকেভ্যো
দেবানাগ্ং হৃদয়েভ্যো নমো বিক্ষীণকেভ্যো নমো বিচিন্বত্কেভ্যো নম
আনির্হতেভ্যো নম আমীবত্কেভ্যঃ ॥ ৯ ॥
দ্রাপে অন্ধসস্পতে দরিদ্রন্নীললোহিত । এষাং পুরুষাণামেষাং পশূনাং
মা ভের্মাঽরো মো এষাং কিঞ্চনামমত্ । য়া তে রুদ্র শিবা তনূঃ শিবা
বিশ্বাহভেষজী । শিবা রুদ্রস্য ভেষজী তয়া নো মৃড জীবসে । ইমাগ্ং
রুদ্রায় তবসে কপর্দিনে ক্ষয়দ্বীরায় প্রভরামহে মতিম্ । য়থা
নঃ শমসদ্দ্বিপদে চতুষ্পদে বিশ্বং পুষ্টং গ্রামে অস্মিন্ননাতুরম্
। মৃডা নো রুদ্রোত নো ময়স্কৃধি ক্ষয়দ্বীরায় নমসা বিধেম তে ।
য়চ্ছং চ য়োশ্চ মনুরায়জে পিতা তদশ্যাম তব রুদ্র প্রণীতৌ ।
মা নো মহান্তমুত মা নো অর্ভকং মা ন উক্ষন্তমুত মা ন উক্ষিতম্ ।
মা নোঽবধীঃ পিতরং মোত মাতরং প্রিয়া মা নস্তনুবো রুদ্র রীরিষঃ । মা
নস্তোকে তনয়ে মা ন আয়ুষি মা নো গোষু মা নো অশ্বেষু রীরিষঃ । বীরান্মা
নো রুদ্র ভামিতোঽবধীর্হবিষ্মন্তো নমসা বিধেম তে । আরাত্তে গোঘ্ন উত
পূরুষঘ্নে ক্ষয়দ্বীরায় সুম্নমস্মে তে অস্তু । রক্ষা চ নো অধি চ দেব
ব্রূহ্যধা চ নঃ শর্ম য়চ্ছ দ্বিবর্হাঃ । স্তুহি শ্রুতং গর্তসদং
য়ুবানং মৃগন্ন ভীমমুপহত্নুমুগ্রম্ । মৃডা জরিত্রে রুদ্র স্তবানো
অন্যন্তে অস্মন্নিবপন্তু সেনাঃ । পরিণো রুদ্রস্য হেতির্বৃণক্তু
পরি ত্বেষস্য দুর্মতি রঘায়োঃ । অব স্থিরা মঘবদ্ভ্যস্তনুষ্ব
মীঢ্বস্তোকায় তনয়ায় মৃডয় । মীঢুষ্টম শিবতম শিবো নঃ সুমনা
ভব । পরমে বৃক্ষ আয়ুধন্নিধায় কৃত্তিং বসান আচর পিনাকং
বিভ্রদাগহি । বিকিরিদ বিলোহিত নমস্তে অস্তু ভগবঃ । য়াস্তে সহস্রগ্ং
হেতয়োন্যমস্মন্নিবপন্তু তাঃ । সহস্রাণি সহস্রধা বাহুবোস্তব হেতয়ঃ
। তাসামীশানো ভগবঃ পরাচীনা মুখা কৃধি ॥ ১০ ॥
সহস্রাণি সহস্রশো য়ে রুদ্রা অধি ভূম্যাম্ । তেষাগ্ং সহস্রয়োজনেঽবধন্বানি
তন্মসি । অস্মিন্মহত্যর্ণবেঽন্তরিক্ষে ভবা অধি । নীলগ্রীবাঃ
শিতিকণ্ঠাঃ শর্বা অধঃ, ক্ষমাচরাঃ । নীলগ্রীবাঃ শিতিকণ্ঠা দিবগ্ং
রুদ্রা উপশ্রিতাঃ । য়ে বৃক্ষেষু সস্পিঞ্জরা নীলগ্রীবা বিলোহিতাঃ ।
য়ে ভূতানামধিপতয়ো বিশিখাসঃ কপর্দিনঃ । য়ে অন্নেষু বিবিধ্যন্তি
পাত্রেষু পিবতো জনান্ । য়ে পথাং পথিরক্ষয় ঐলবৃদা য়ব্যুধঃ
। য়ে তীর্থানি প্রচরন্তি সৃকাবন্তো নিষঙ্গিণঃ । য় এতাবন্তশ্চ
ভূয়াগ্ংসশ্চ দিশো রুদ্রা বিতস্থিরে । তেষাগ্ং সহস্রয়োজনেঽবধন্বানি
তন্মসি । নমো রুদ্রেভ্যো য়ে পৃথিব্যাং য়েঽন্তরিক্ষে য়ে দিবি য়েষামন্নং
বাতো বর্ষমিষবস্তেভ্যো দশ প্রাচীর্দশ দক্ষিণা দশ
প্রতীচীর্দশোদীচীর্দশোর্ধ্বাস্তেভ্যো নমস্তে নো মৃডয়ন্তু তে য়ং দ্বিষ্মো
য়শ্চ নো দ্বেষ্টি তং বো জম্ভে দধামি ॥ ১১ ॥
ত্র্যম্বকং য়জামহে সুগন্ধিং পুষ্টিবর্ধনম্ । উর্বারুকমিব
বন্ধনান্মৃত্যোর্মুক্ষীয় মাঽমৃতাত্ । য়ো রুদ্রো অগ্নৌ য়ো অপ্সু য় ওষধীষু
য়ো রুদ্রো বিশ্বা ভুবনা বিবেশ তস্মৈ রুদ্রায় নমো অস্তু । তমু ষ্টুহি
য়ঃ স্বিষুঃ সুধন্বা য়ো বিশ্বস্য ক্ষয়তি ভেষজস্য । য়ক্ষ্বামহে
সৌমনসায় রুদ্রং নমোভির্দেবমসুরং দুবস্য । অয়ং মে হস্তো ভগবানয়ং
মে ভগবত্তরঃ । অয়ং মে বিশ্বভেষজোঽয়গ্ং শিবাভিমর্শনঃ । য়ে তে
সহস্রময়ুতং পাশা মৃত্যো মর্ত্যায় হন্তবে । তান্ য়জ্ঞস্য মায়য়া
সর্বানব য়জামহে । মৃত্যবে স্বাহা মৃত্যবে স্বাহা । ওঁ নমো ভগবতে রুদ্রায়
বিষ্ণবে মৃত্যুর্মে পাহি ॥
প্রাণানাং গ্রন্থিরসি রুদ্রো মা বিশান্তকঃ । তেনান্নেনাপ্যায়স্ব । সদাশিবোম্ ॥
ওঁ শান্তিঃ শান্তিঃ শান্তিঃ ॥
॥ চমকপ্রশ্নঃ ॥
ওঁ অগ্নাবিষ্ণূ সজোষসেমা বর্ধন্তু বাং গিরঃ । দ্যুম্নৈর্বাজেভিরাগতম্ ।
বাজশ্চ মে প্রসবশ্চ মে প্রয়তিশ্চ মে প্রসিতিশ্চ মে ধীতিশ্চ মে
ক্রতুশ্চ মে স্বরশ্চ মে শ্লোকশ্চ মে শ্রাবশ্চ মে শ্রুতিশ্চ মে
জ্যোতিশ্চ মে সুবশ্চ মে প্রাণশ্চ মেঽপানশ্চ মে ব্যানশ্চ মেঽসুশ্চ
মে চিত্তং চ ম আধীতং চ মে বাক্চ মে মনশ্চ মে চক্ষুশ্চ মে
শ্রোত্রং চ মে দক্ষশ্চ মে বলং চ ম ওজশ্চ মে সহশ্চ ম
আয়ুশ্চ মে জরা চ ম আত্মা চ মে তনূশ্চ মে শর্ম চ মে বর্ম
চ মেঽঙ্গানি চ মেঽস্থানি চ মে পরূগ্ংষি চ মে শরীরাণি চ মে ॥ ১॥
জ্যৈষ্ঠ্যং চ ম আধিপত্যং চ মে মন্যুশ্চ মে ভামশ্চ মেঽমশ্চ
মেঽম্ভশ্চ মে জেমা চ মে মহিমা চ মে বরিমা চ মে প্রথিমা চ মে
বর্ষ্মা চ মে দ্রাঘুয়া চ মে বৃদ্ধং চ মে বৃদ্ধিশ্চ মে সত্যং চ
মে শ্রদ্ধা চ মে জগচ্চ মে ধনং চ মে বশশ্চ মে ত্বিষিশ্চ
মে ক্রীডা চ মে মোদশ্চ মে জাতং চ মে জনিষ্যমাণং চ মে সূক্তং চ
মে সুকৃতং চ মে বিত্তং চ মে বেদ্যং চ মে ভূতং চ মে ভবিষ্যচ্চ
মে সুগং চ মে সুপথং চ ম ঋদ্ধং চ ম ঋদ্ধিশ্চ মে কৢপ্তং চ
মে কৢপ্তিশ্চ মে মতিশ্চ মে সুমতিশ্চ মে ॥ ২॥
শং চ মে ময়শ্চ মে প্রিয়ং চ মেঽনুকামশ্চ মে কামশ্চ মে
সৌমনসশ্চ মে ভদ্রং চ মে শ্রেয়শ্চ মে বস্যশ্চ মে য়শশ্চ
মে ভগশ্চ মে দ্রবিণং চ মে য়ন্তা চ মে ধর্তা চ মে ক্ষেমশ্চ
মে ধৃতিশ্চ মে বিশ্বং চ মে মহশ্চ মে সংবিচ্চ মে জ্ঞাত্রং
চ মে সূশ্চ মে প্রসূশ্চ মে সীরং চ মে লয়শ্চ ম ঋতং চ
মেঽমৃতং চ মেঽয়ক্ষ্মং চ মেঽনাময়চ্চ মে জীবাতুশ্চ মে দীর্ঘায়ুত্বং
চ মেঽনমিত্রং চ মেঽভয়ং চ মে সুগং চ মে শয়নং চ মে সূষা চ
মে সুদিনং চ মে ॥ ৩॥
ঊর্ক্চ মে সূনৃতা চ মে পয়শ্চ মে রসশ্চ মে ঘৃতং চ মে
মধু চ মে সগ্ধিশ্চ মে সপীতিশ্চ মে কৃষিশ্চ মে বৃষ্টিশ্চ
মে জৈত্রং চ ম ঔদ্ভিদ্যং চ মে রয়িশ্চ মে রায়শ্চ মে পুষ্টং চ
মে পুষ্টিশ্চ মে বিভু চ মে প্রভু চ মে বহু চ মে ভূয়শ্চ মে
পূর্ণং চ মে পূর্ণতরং চ মেঽক্ষিতিশ্চ মে কূয়বাশ্চ মেঽন্নং চ
মেঽক্ষুচ্চ মে ব্রীহয়শ্চ মে য়বাশ্চ মে মাষাশ্চ মে তিলাশ্চ মে
মুদ্গাশ্চ মে খল্বাশ্চ মে গোধূমাশ্চ মে মসুরাশ্চ মে প্রিয়ঙ্গবশ্চ
মেঽণবশ্চ মে শ্যামকাশ্চ মে নীবারাশ্চ মে ॥ ৪॥
অশ্মা চ মে মৃত্তিকা চ মে গিরয়শ্চ মে পর্বতাশ্চ মে সিকতাশ্চ মে
বনস্পতয়শ্চ মে হিরণ্যং চ মেঽয়শ্চ মে সীসং চ মে ত্রপুশ্চ
মে শ্যামং চ মে লোহং চ মেঽগ্নিশ্চ ম আপশ্চ মে বীরুধশ্চ ম
ওষধয়শ্চ মে কৃষ্টপচ্যং চ মেঽকৃষ্টপচ্যং চ মে গ্রাম্যাশ্চ মে
পশব আরণ্যাশ্চ য়জ্ঞেন কল্পন্তাং বিত্তং চ মে বিত্তিশ্চ মে ভূতং
চ মে ভূতিশ্চ মে বসু চ মে বসতিশ্চ মে কর্ম চ মে শক্তিশ্চ
মেঽর্থশ্চ ম এমশ্চ ম ইতিশ্চ মে গতিশ্চ মে ॥ ৫॥
অগ্নিশ্চ ম ইন্দ্রশ্চ মে সোমশ্চ ম ইন্দ্রশ্চ মে সবিতা চ ম
ইন্দ্রশ্চ মে সরস্বতী চ ম ইন্দ্রশ্চ মে পূষা চ ম ইন্দ্রশ্চ মে
বৃহস্পতিশ্চ ম ইন্দ্রশ্চ মে মিত্রশ্চ ম ইন্দ্রশ্চ মে বরুণশ্চ
ম ইন্দ্রশ্চ মে ত্বষ্টা চ ম ইন্দ্রশ্চ মে ধাতা চ ম ইন্দ্রশ্চ মে
বিষ্ণুশ্চ ম ইন্দ্রশ্চ মেঽশ্বিনৌ চ ম ইন্দ্রশ্চ মে মরুতশ্চ ম
ইন্দ্রশ্চ মে বিশ্বে চ মে দেবা ইন্দ্রশ্চ মে পৃথিবী চ ম ইন্দ্রশ্চ
মেঽন্তরিক্ষং চ ম ইন্দ্রশ্চ মে দ্যৌশ্চ ম ইন্দ্রশ্চ মে দিশশ্চ ম
ইন্দ্রশ্চ মে মূর্ধা চ ম ইন্দ্রশ্চ মে প্রজাপতিশ্চ ম ইন্দ্রশ্চ মে ॥ ৬॥
অগ্ংশুশ্চ মে রশ্মিশ্চ মেঽদাভ্যশ্চ মেঽধিপতিশ্চ ম উপাগ্ংশুশ্চ
মেঽন্তর্যামশ্চ ম ঐন্দ্রবায়বশ্চ মে মৈত্রাবরুণশ্চ ম আশ্বিনশ্চ
মে প্রতিপ্রস্থানশ্চ মে শুক্রশ্চ মে মন্থী চ ম আগ্রয়ণশ্চ
মে বৈশ্বদেবশ্চ মে ধ্রুবশ্চ মে বৈশ্বানরশ্চ ম ঋতুগ্রহাশ্চ
মেঽতিগ্রাহ্যাশ্চ ম ঐন্দ্রাগ্নশ্চ মে বৈশ্বদেবশ্চ মে মরুত্বতীয়াশ্চ মে
মাহেন্দ্রশ্চ ম আদিত্যশ্চ মে সাবিত্রশ্চ মে সারস্বতশ্চ মে পৌষ্ণশ্চ
মে পাত্নীবতশ্চ মে হারিয়োজনশ্চ মে ॥ ৭॥
ইধ্মশ্চ মে বর্হিশ্চ মে বেদিশ্চ মে ধিষ্ণিয়াশ্চ মে স্রুচশ্চ মে
চমসাশ্চ মে গ্রাবাণশ্চ মে স্বরবশ্চ ম উপরবাশ্চ মেঽধিষবণে চ
মে দ্রোণকলশশ্চ মে বায়ব্যানি চ মে পূতভৃচ্চ ম আধবনীয়শ্চ ম
আগ্নীধ্রং চ মে হবির্ধানং চ মে গৃহাশ্চ মে সদশ্চ মে পুরোডাশাশ্চ
মে পচতাশ্চ মেঽবভৃথশ্চ মে স্বগাকারশ্চ মে ॥ ৮॥
অগ্নিশ্চ মে ঘর্মশ্চ মেঽর্কশ্চ মে সূর্যশ্চ মে প্রাণশ্চ
মেঽশ্বমেধশ্চ মে পৃথিবী চ মেঽদিতিশ্চ মে দিতিশ্চ মে দ্যৌশ্চ
মে শক্ক্বরীরঙ্গুলয়ো দিশশ্চ মে য়জ্ঞেন কল্পন্তামৃক্চ মে সাম
চ মে স্তোমশ্চ মে য়জুশ্চ মে দীক্ষা চ মে তপশ্চ ম ঋতুশ্চ
মে ব্রতং চ মেঽহোরাত্রয়োর্বৃষ্ট্যা বৃহদ্রথন্তরে চ মে য়জ্ঞেন
কল্পেতাম্ ॥ ৯॥
গর্ভাশ্চ মে বত্সাশ্চ মে ত্র্যবিশ্চ মে ত্র্যবী চ মে দিত্যবাট্ চ মে
দিত্যৌহী চ মে পঞ্চাবিশ্চ মে পঞ্চাবী চ মে ত্রিবত্সশ্চ মে ত্রিবত্সা
চ মে তুর্যবাট্ চ মে তুর্যৌহী চ মে পষ্ঠবাট্ চ মে পষ্ঠৌহী চ
ম উক্ষা চ মে বশা চ ম ঋষভশ্চ মে বেহচ্চ মেঽনড্বাঞ্চ
মে ধেনুশ্চ ম আয়ুর্যজ্ঞেন কল্পতাং প্রাণো য়জ্ঞেন কল্পতামপানো
য়জ্ঞেন কল্পতাং ব্যানো য়জ্ঞেন কল্পতাং চক্ষুর্যজ্ঞেন কল্পতাগ্
শ্রোত্রং য়জ্ঞেন কল্পতাং মনো য়জ্ঞেন কল্পতাং বাগ্যজ্ঞেন কল্পতামাত্মা
য়জ্ঞেন কল্পতাং য়জ্ঞো য়জ্ঞেন কল্পতাম্ ॥ ১০॥
একা চ মে তিস্রশ্চ মে পঞ্চ চ মে সপ্ত চ মে নব চ
ম একাদশ চ মে ত্রয়োদশ চ মে পঞ্চদশ চ মে সপ্তদশ
চ মে নবদশ চ ম একবিগ্ংশতিশ্চ মে ত্রয়োবিগ্ংশতিশ্চ মে
পঞ্চবিগ্ংশতিশ্চ মে সপ্তবিগ্ংশতিশ্চ মে নববিগ্ংশতিশ্চ ম
একত্রিগ্ংশচ্চ মে ত্রয়স্ত্রিগ্ংশচ্চ মে চতস্রশ্চ মেঽষ্টৌ চ মে
দ্বাদশ চ মে ষোডশ চ মে বিগ্ংশতিশ্চ মে চতুর্বিগ্ংশতিশ্চ
মেঽষ্টাবিগ্ংশতিশ্চ মে দ্বাত্রিগ্ংশচ্চ মে ষট্ত্রিগ্ংশচ্চ মে
চত্বরিগ্ংশচ্চ মে চতুশ্চত্বারিগ্ংশচ্চ মেঽষ্টাচত্বারিগ্ংশচ্চ
মে বাজশ্চ প্রসবশ্চাপিজশ্চ ক্রতুশ্চ সুবশ্চ মূর্ধা চ
ব্যশ্নিয়শ্চান্ত্যায়নশ্চান্ত্যশ্চ ভৌবনশ্চ ভুবনশ্চাধিপতিশ্চ ॥
১১॥
ওঁ ইডা দেবহূর্মনুর্যজ্ঞনীর্বৃহস্পতিরুক্থামদানি শগ্ংসিষদ্বিশ্বেদেবাঃ
সূক্তবাচঃ পৃথিবীমাতর্মা মা হিগ্ংসীর্মধু মনিষ্যে মধু জনিষ্যে মধু
বক্ষ্যামি মধু বদিষ্যামি মধুমতীং দেবেভ্যো বাচমুদ্যাসগ্ং শুশ্রূষেণ্যাং
মনুষ্যেভ্যস্তং মা দেবা অবন্তু শোভায়ৈ পিতরোঽনুমদন্তু॥ ওঁ শান্তিঃ
শান্তিঃ শান্তিঃ ॥
॥ পুরুষসূক্তম্ ॥
ওঁ তচ্ছং য়োরাবৃণীমহে । গাতুং য়জ্ঞায় । গাতুং য়জ্ঞপতয়ে । দৈবীঃ
স্বস্তিরস্তু নঃ । স্বস্তির্মানুষেভ্যঃ । ঊর্ধ্বং জিগাতু ভেষজম্ । শন্নো
অস্তু দ্বিপদে । শং চতুষ্পদে ॥ ওঁ শান্তিঃ শান্তিঃ শান্তিঃ ॥
ওঁ সহস্রশীর্ষা পুরুষঃ । সহস্রাক্ষঃ সহস্রপাত্ । স ভূমিং বিশ্বতো
বৃত্বা । অত্যতিষ্ঠদ্দশাঙ্গুলম্ । পুরুষ এবেদগ্ং সর্বম্ । য়দ্ভূতং য়চ্চ
ভব্যম্ । উতামৃতত্বস্যেশানঃ । য়দন্নেনাতিরোহতি । এতাবানস্য মহিমা ।
অতো জ্যায়াগ্শ্চ পূরুষঃ ॥ ১ ॥
পাদোঽস্য বিশ্বা ভূতানি । ত্রিপাদস্যামৃতং দিবি । ত্রিপাদূর্ধ্ব
উদৈত্পুরুষঃ । পাদোঽস্যেহাঽঽভবাত্পুনঃ । ততো বিষ্বঙ্ব্যক্রামত্ ।
সাশনানশনে অভি । তস্মাদ্বিরাডজায়ত । বিরাজো অধি পূরুষঃ ।
স জাতো অত্যরিচ্যত । পশ্চাদ্ভূমিমথো পুরঃ ॥ ২ ॥
য়ত্পুরুষেণ হবিষা । দেবা য়জ্ঞমতন্বত । বসন্তো অস্যাসীদাজ্যম্ ।
গ্রীষ্ম ইধ্মশ্শরদ্ধবিঃ । সপ্তাস্যাসন্পরিধয়ঃ । ত্রিঃ সপ্ত সমিধঃ
কৃতাঃ । দেবা য়দ্যজ্ঞং তন্বানাঃ । অবধ্নন্পুরুষং পশুম্ । তং য়জ্ঞং
বর্হিষি প্রৌক্ষন্ । পুরুষং জাতমগ্রতঃ ॥ ৩ ॥
তেন দেবা অয়জন্ত । সাধ্যা ঋষয়শ্চ য়ে । তস্মাদ্যজ্ঞাত্সর্বহুতঃ
। সম্ভৃতং পৃষদাজ্যম্ । পশূগ্স্তাগ্শ্চক্রে বায়ব্যান্ ।
আরণ্যান্গ্রাম্যাশ্চ য়ে । তস্মাদ্যজ্ঞাত্সর্বহুতঃ । ঋচঃ সামানি জজ্ঞিরে ।
ছন্দাগ্ংসি জজ্ঞিরে তস্মাত্ । য়জুস্তস্মাদজায়ত ॥ ৪ ॥
তস্মাদশ্বা অজায়ন্ত । য়ে কে চোভয়াদতঃ । গাবো হ জজ্ঞিরে তস্মাত্ ।
তস্মাজ্জাতা অজাবয়ঃ । য়ত্পুরুষং ব্যদধুঃ । কতিধা ব্যকল্পয়ন্ ।
মুখং কিমস্য কৌ বাহূ । কাবূরূ পাদাবুচ্যেতে । ব্রাহ্মণোঽস্য মুখমাসীত্ ।
বাহূ রাজন্যঃ কৃতঃ ॥ ৫ ॥
ঊরূ তদস্য য়দ্বৈশ্যঃ । পদ্ভ্যাগ্ং শূদ্রো অজায়ত । চন্দ্রমা মনসো জাতঃ
। চক্ষোঃ সূর্যো অজায়ত । মুখাদিন্দ্রশ্চাগ্নিশ্চ । প্রাণাদ্বায়ুরজায়ত ।
নাভ্যা আসীদন্তরিক্ষম্ । শীর্ষ্ণো দ্যৌঃ সমবর্তত । পদ্ভ্যাং ভূমির্দিশঃ
শ্রোত্রাত্ । তথা লোকাগ্ং অকল্পয়ন্ ॥ ৬ ॥
বেদাহমেতং পুরুষং মহান্তম্ । আদিত্যবর্ণং তমসস্তু পারে ।
সর্বাণি রূপাণি বিচিত্য ধীরঃ । নামানি কৃত্বাঽভিবদন্, য়দাস্তে
। ধাতা পুরস্তাদ্যমুদাজহার । শক্রঃ প্রবিদ্বান্প্রদিশশ্চতস্রঃ ।
তমেবং বিদ্বানমৃত ইহ ভবতি । নান্যঃ পন্থা অয়নায় বিদ্যতে । য়জ্ঞেন
য়জ্ঞময়জন্ত দেবাঃ । তানি ধর্মাণি প্রথমান্যাসন্ । তে হ নাকং মহিমানঃ
সচন্তে । য়ত্র পূর্বে সাধ্যাঃ সন্তি দেবাঃ ॥ ৭ ॥
অদ্ভ্যঃ সম্ভূতঃ পৃথিব্যৈ রসাচ্চ । বিশ্বকর্মণঃ সমবর্ততাধি
। তস্য ত্বষ্টা বিদধদ্রূপমেতি । তত্পুরুষস্য বিশ্বমাজানমগ্রে
। বেদাহমেতং পুরুষং মহান্তম্ । আদিত্যবর্ণং তমসঃ পরস্তাত্
। তমেবং বিদ্বানমৃত ইহ ভবতি । নান্যঃ পন্থা বিদ্যতেয়ঽনায় ।
প্রজাপতিশ্চরতি গর্ভে অন্তঃ । অজায়মানো বহুধা বিজায়তে ॥ ৮ ॥
তস্য ধীরাঃ পরিজানন্তি য়োনিম্ । মরীচীনাং পদমিচ্ছন্তি বেধসঃ ।
য়ো দেবেভ্য আতপতি । য়ো দেবানাং পুরোহিতঃ । পূর্বো য়ো দেবেভ্যো জাতঃ ।
নমো রুচায় ব্রাহ্ময়ে । রুচং ব্রাহ্মং জনয়ন্তঃ । দেবা অগ্রে তদব্রুবন্ ।
য়স্ত্বৈবং ব্রাহ্মণো বিদ্যাত্ । তস্য দেবা অসন্ বশে ॥ ৯ ॥
হ্রীশ্চ তে লক্ষ্মীশ্চ পত্ন্যৌ । অহোরাত্রে পার্শ্বে । নক্ষত্রাণি রূপম্ ।
অশ্বিনৌ ব্যাত্তম্ । ইষ্টং মনিষাণ । অমুং মনিষাণ । সর্বং মনিষাণ ॥ ১০ ॥
॥ দুর্গা সূক্তম্ ॥
ওঁ জাতবেদসে সুনবাম সোম মরাতীয়তো নিদহাতি বেদঃ । স নঃ পর্ষদতি
দুর্গাণি বিশ্বা নাবেব সিন্ধুং দুরিতাঽত্যগ্নিঃ ॥ তামগ্নিবর্ণাং
তপসা জ্বলন্তীং বৈরোচনীং কর্মফলেষু জুষ্টাম্ । দুর্গাং দেবীগ্ং
শরণমহং প্রপদ্যে সুতরসি তরসে নমঃ ॥ অগ্নে ত্বং পারয়া নব্যো
অস্মান্থ্স্বস্তিভিরতি দুর্গাণি বিশ্বা । পূশ্চ পৃথ্বী বহুলা ন উর্বী
ভবা তোকায় তনয়ায় শংয়োঃ ॥ বিশ্বানি নো দুর্গহা জাতবেদঃ সিন্ধুন্ন নাবা
দুরিতাঽতিপর্ষি । অগ্নে অত্রিবন্মনসা গৃণানোঽস্মাকং বোধ্যবিতা তনূনাম্
॥ পৃতনা জিতগ্ং সহমানমুগ্রমগ্নিগ্ং হুবেম পরমাথ্সধস্থাত্ ।
স নঃ পর্ষদতি দুর্গাণি বিশ্বা ক্ষামদ্দেবো অতি দুরিতাঽত্যগ্নিঃ
॥ প্রত্নোষি কমীড্যো অধ্বরেষু সনাচ্চ হোতা নব্যশ্চ সত্সি
। স্বাঞ্চাঽগ্নে তনুবং পিপ্রয়স্বাস্মভ্যং চ সৌভগমায়জস্ব ॥
গোভির্জুষ্টময়ুজো নিষিক্তং তবেন্দ্র বিষ্ণোরনুসঞ্চরেম । নাকস্য
পৃষ্ঠমভি সংবসানো বৈষ্ণবীং লোক ইহ মাদয়ন্তাম্ ॥
ওঁ কাত্যায়নায় বিদ্মহে কন্যকুমারি ধীমহি । তন্নো দুর্গিঃ প্রচোদয়াত্ ॥
ওঁ শান্তিঃ শান্তিঃ শান্তিঃ ॥
॥ আয়ুষ্য সূক্তম্ ॥
য়ো ব্রহ্মা ব্রহ্মণ উজ্জহার প্রাণৈঃ শিরঃ কৃত্তিবাসাঃ পিনাকী ।
ঈশানো দেবঃ স ন আয়ুর্দধাতু তস্মৈ জুহোমি হবিষা ঘৃতেন ॥ ১ ॥
বিভ্রাজমানঃ সরিরস্য মধ্যা-দ্রোচমানো ঘর্মরুচির্য আগাত্ ।
স মৃত্যুপাশানপনুদ্য ঘোরানিহায়ুষেণো ঘৃতমত্তু দেবঃ ॥ ২ ॥
ব্রহ্মজ্যোতি-র্ব্রহ্ম-পত্নীষু গর্ভং য়মাদধাত্ পুরুরূপং জয়ন্তম্ ।
সুবর্ণরম্ভগ্রহ-মর্কমর্চ্যং তমায়ুষে বর্ধয়ামো ঘৃতেন ॥ ৩ ॥
শ্রিয়ং লক্ষ্মী-মৌবলা-মম্বিকাং গাং ষষ্ঠীং চ য়ামিন্দ্রসেনেত্যুদাহুঃ ।
তাং বিদ্যাং ব্রহ্ময়োনিগ্ং সরূপামিহায়ুষে তর্পয়ামো ঘৃতেন ॥ ৪ ॥
দাক্ষায়ণ্যঃ সর্বয়োন্যঃ স য়োন্যঃ সহস্রশো বিশ্বরূপা বিরূপাঃ ।
সসূনবঃ সপতয়ঃ সয়ূথ্যা আয়ুষেণো ঘৃতমিদং জুষন্তাম্ ॥ ৫ ॥
দিব্যা গণা বহুরূপাঃ পুরাণা আয়ুশ্ছিদো নঃ প্রমথ্নন্তু বীরান্ ।
তেভ্যো জুহোমি বহুধা ঘৃতেন মা নঃ প্রজাগ্ং রীরিষো মোত বীরান্ ॥ ৬ ॥
একঃ পুরস্তাত্ য় ইদং বভূব য়তো বভূব ভুবনস্য গোপাঃ ।
য়মপ্যেতি ভুবনগ্ং সাম্পরায়ে স নো হবির্ঘৃত-মিহায়ুষেত্তু দেবঃ ॥ ৭ ॥
বসূন্ রুদ্রা-নাদিত্যান্ মরুতোঽথ সাধ্যান্ ঋভূন্ য়ক্ষান্ গন্ধর্বাগ্শ্চ
পিতৄগ্শ্চ বিশ্বান্ ।
ভৃগূন্ সর্পাগ্শ্চাঙ্গিরসোঽথ সর্বান্ ঘৃতগ্ং হুত্বা স্বায়ুষ্যা মহয়াম
শশ্বত্ ॥ ৮ ॥
বিষ্ণো ত্বং নো অন্তমশ্শর্ময়চ্ছ সহন্ত্য । প্রতেধারা মধুশ্চুত
উথ্সং দুহ্রতে অক্ষিতম্ ॥
॥ ওঁ শান্তিঃ শান্তিঃ শান্তিঃ ॥
॥ ভাগ্য সূক্তম্ ॥
ওঁ প্রাতরগ্নিং প্রাতরিন্দ্রগ্ং হবামহে প্রাতর্মিত্রা বরুণা প্রাতরশ্বিনা ।
প্রাতর্ভগং পূষণং ব্রহ্মণস্পতিং প্রাতঃ সোমমুত রুদ্রগ্ং হুবেম ॥
১ ॥ প্রাতর্জিতং ভগমুগ্রগ্ং হুবেম বয়ং পুত্র-মদিতের্যো বিধর্তা ।
আদ্ধ্রশ্চিদ্যং মন্যমানস্তুরশ্চিদ্রাজা চিদ্যং ভগং ভক্ষীত্যাহ ॥ ২ ॥
ভগ প্রণেত-র্ভগ সত্যরাধো ভগেমাং ধিয়মুদবদদন্নঃ ।
ভগপ্রণো জনয় গোভি-রশ্বৈর্ভগপ্রনৃভি-র্নৃবন্তস্স্যাম ॥
৩ ॥ উতেদানীং ভগবন্তস্স্যামোত প্রপিত্ব উত মধ্যে অহ্নাম্ । উতোদিতা
মঘবন্থ্সূর্যস্য বয়ং দেবানাগ্ং সুমতৌ স্যাম ॥ ৪ ॥
ভগ এব ভগবাগ্ং অস্তু দেবাস্তেন বয়ং ভগবন্তস্স্যাম । তং ত্বা ভগ সর্ব
ইজ্জোহবীমি সনো ভগ পুর এতা ভবেহ ॥ ৫ ॥ সমধ্বরায়োষসোঽনমন্ত
দধিক্রাবেব শুচয়ে পদায় । অর্বাচীনং বসুবিদং ভগন্নো
রথমিবাঽশ্বাবাজিন আবহন্তু ॥ ৬ ॥
অশ্বাবতী-র্গোমতী-র্ন উষাসো বীরবতীস্সদ-মুচ্ছন্তু ভদ্রাঃ । ঘৃতং
দুহানা বিশ্বতঃ প্রপীনা য়ূয়ং পাত স্বস্তিভিস্সদা নঃ ॥ ৭ ॥ য়ো মাঽগ্নে
ভাগিনগ্ং সন্তমথাভাগং চিকীঋষতি । অভাগমগ্নে তং কুরু মামগ্নে
ভাগিনং কুরু ॥ ৮ ॥
ওঁ শান্তিঃ শান্তিঃ শান্তিঃ ॥
॥ মন্ত্রপুষ্পম্ ॥
ওঁ ভদ্রং কর্ণেভিঃ শৃণুয়াম দেবাঃ । ভদ্রং পশ্যেমাক্ষভির্যজত্রাঃ
। স্থিরৈরঙ্গৈস্তুষ্টুবাগ্ংসস্তনূভিঃ । ব্যশেম দেবহিতং য়দায়ুঃ ।
স্বস্তি ন ইন্দ্রো বৃদ্ধশ্রবাঃ । স্বস্তি নঃ পূষা বিশ্ববেদাঃ । স্বস্তি
নস্তার্ক্ষ্যো অরিষ্টনেমিঃ । স্বস্তি নো বৃহস্পতির্দধাতু ॥ ওঁ শান্তিঃ শান্তিঃ
শান্তিঃ ।
ওঁ য়োঽপাং পুষ্পং বেদ । পুষ্পবান্ প্রজাবান্ পশুমান্ ভবতি । চন্দ্রমা
বা অপাং পুষ্পম্ । পুষ্পবান্ প্রজাবান্ পশুমান্ ভবতি । য় এবং বেদ ।
য়োঽপামায়তনং বেদ । আয়তনবান্ ভবতি । অগ্নির্বা অপামায়তনম্ ।
আয়তনবান্ ভবতি । য়োঽগ্নেরায়তনং বেদ ॥ আয়তনবান্ ভবতি । আপো
বা অগ্নেরায়তনম্ । আয়তনবান্ ভবতি । য় এবং বেদ । য়োঽপামায়তনং
বেদ । আয়তনবান্ ভবতি । বায়ুর্বা অপামায়তনম্ । আয়তনবান্ ভবতি ।
য়ো বায়োরায়তনং বেদ । আয়তনবান্ ভবতি ॥
আপো বৈ বায়োরায়তনম্ । আয়তনবান্ ভবতি । য় এবং বেদ । য়োঽপামায়তনং
বেদ । আয়তনবান্ ভবতি । অসৌ বৈ তপন্নপামায়তনম্ । আয়তনবান্ ভবতি
। য়োঽমুষ্য তপত আয়তনং বেদ । আয়তনবান্ ভবতি । আপো বা অমুষ্য
তপত আয়তনম্ ॥ আয়তনবান্ ভবতি । য় এবং বেদ । য়োঽপামায়তনং
বেদ । আয়তনবান্ ভবতি । চন্দ্রমা বা অপামায়তনম্ । আয়তনবান্ ভবতি ।
য়শ্চন্দ্রমস আয়তনং বেদ । আয়তনবান্ ভবতি । আপো বৈ চন্দ্রমস
আয়তনম্। আয়তনবান্ ভবতি ॥
য় এবং বেদ । য়োঽপামায়তনং বেদ । আয়তনবান্ ভবতি । নক্ষত্রাণি
বা অপামায়তনম্ । আয়তনবান্ ভবতি । য়ো নক্ষত্রাণামায়তনং বেদ ।
আয়তনবান্ ভবতি । আপো বৈ নক্ষত্রাণামায়তনম্ । আয়তনবান্ ভবতি ।
য় এবং বেদ ॥ য়োঽপামায়তনং বেদ । আয়তনবান্ ভবতি । পর্জন্যো
বা অপামায়তনম্ । আয়তনবান্ ভবতি । য়ঃ পর্জন্যস্যায়তনং বেদ ।
আয়তনবান্ ভবতি । আপো বৈ পর্জন্যস্যাঽঽয়তনম্ । আয়তনবান্ ভবতি ।
য় এবং বেদ । য়োঽপামায়তনং বেদ ॥
আয়তনবান্ ভবতি । সংবত্সরো বা অপামায়তনম্ । আয়তনবান্
ভবতি । য়স্সংবত্সরস্যায়তনং বেদ । আয়তনবান্ ভবতি । আপো বৈ
সংবত্সরস্যায়তনম্ । আয়তনবান্ ভবতি । য় এবং বেদ । য়োঽপ্সু নাবং
প্রতিষ্ঠিতাং বেদ । প্রত্যেব তিষ্ঠতি ॥
ওঁ রাজাধিরাজায় প্রসহ্যসাহিনে । নমো বয়ং বৈশ্রবণায় কুর্মহে । স
মে কামান্কামকামায় মহ্যম্ । কামেশ্বরো বৈশ্রবণো দদাতু । কুবেরায়
বৈশ্রবণায় । মহারাজায় নমঃ ॥ ওঁ শান্তিঃ শান্তিঃ শান্তিঃ ॥
॥ শান্তিমন্ত্রাঃ ॥
॥ ওঁ শ্রী গুরুভ্যো নমঃ হরিঃ ওঁ ॥
ওঁ সহ নাববতু । সহ নৌ ভুনক্তু । সহ বীর্যং করবাবহৈ ।
তেজস্বিনাবধীতমস্তু মা বিদ্বিষাবহৈ ॥ ওঁ শান্তিঃ শান্তিঃ শান্তিঃ ॥
ওঁ য়শ্ছন্দসামৃষভো বিশ্বরূপঃ । ছন্দোভ্যোঽধ্যমৃতাথ্সম্বভূব
। স মেন্দ্রো মেধয়া স্পৃণোতু । অমৃতস্য দেবধারণো ভূয়াসম্ । শরীরং
মে বিচর্ষণম্ । জিহ্বা মে মধুমত্তমা । কর্ণাভ্যাং ভূরিবিশ্রুবম্ ।
ব্রহ্মণঃ কোশোঽসি মেধয়া পিহিতঃ । শ্রুতং মে গোপায় । ওঁ শান্তিঃ
শান্তিঃ শান্তিঃ ॥ ওঁ বাঙ্মে মনসি প্রতিষ্ঠিতা মনো মে বাচি
প্রতিষ্ঠিতমাবিরাবীর্ম এধি বেদস্য ম আণীস্থঃ শ্রুতং মে মা
প্রহাসীরনেনাধীতেনাহোরাত্রান্ সন্দধাম্যৃতং বদিষ্যামি সত্যং বদিষ্যামি
তন্মামবতু তদ্বক্তারমবত্ববতু মামবতু বক্তারমবতু বক্তারম্ ॥
ওঁ শান্তিঃ শান্তিঃ শান্তিঃ ॥ ওঁ আপ্যায়ন্তু মমাঙ্গানি বাক্প্রাণশ্চক্ষুঃ শ্রোত্রমথো
বলমিন্দ্রিয়াণি চ সর্বাণি । সর্বং ব্রহ্মৌপনিষদং মাঽহং ব্রহ্ম নিরাকুর্যাং মা মা
ব্রহ্ম নিরাকরোদনিরাকরণমস্ত্বনিরাকরণং মেঽস্তু । তদাত্মনি নিরতে য় উপনিষত্সু
ধর্মাস্তে ময়ি সন্তু তে ময়ি সন্তু ॥ ওঁ শান্তিঃ শান্তিঃ শান্তিঃ ॥ ওঁ ভদ্রং
কর্ণেভিঃ শৃণুয়াম দেবাঃ । ভদ্রং পশ্যেমাক্ষভির্যজত্রাঃ ।
স্থিরৈরঙ্গৈস্তুষ্টুবাগ্ংসস্তনূভিঃ । ব্যশেম দেবহিতং য়দায়ুঃ
। স্বস্তি ন ইন্দ্রো বৃদ্ধশ্রবাঃ । স্বস্তি নঃ পূষা বিশ্ববেদাঃ ।
স্বস্তি নস্তার্ক্ষ্যো অরিষ্টনেমিঃ । স্বস্তি নো বৃহস্পতির্দধাতু ॥ ওঁ শান্তিঃ
শান্তিঃ শান্তিঃ ॥ ওঁ পূর্ণমদঃ পূর্ণমিদং পূর্ণাত্পূর্ণমুদচ্যতে । পূর্ণস্য
পূর্ণমাদায় পূর্ণমেবাবশিষ্যতে ॥ ওঁ শান্তিঃ শান্তিঃ শান্তিঃ ॥