সূর্যাষ্টকম্ ॥
॥ শ্রী গণেশায় নমঃ ॥
সাম্ব উবাচ ॥
আদিদেবং নমস্তুভ্যং প্রসীদ মম ভাস্কর ।
দিবাকর নমস্তুভ্যং প্রভাকর নমোঽস্তুতে ॥ ১॥
সপ্তাশ্বরথমারূঢং প্রচণ্ডং কশ্যপাত্মজম্ ।
শ্বেতপদ্মধরং দেবং তং সূর্যং প্রণমাম্যহম্ ॥ ২॥
লোহিতং রথমারূঢং সর্বলোকপিতামহম্ ।
মহাপাপহরং দেবং তং সূর্যং প্রণমাম্যহম্ ॥ ৩॥
ত্রৈগুণ্যং চ মহাশূরং ব্রহ্মাবিষ্ণুমহেশ্বরম্ ।
মহাপাপহরং দেবং তং সূর্যং প্রণমাম্যহম্ ॥ ৪॥
বৃংহিতং তেজঃপুংজং চ বায়ুমাকাশমেব চ ।
প্রভুং চ সর্বলোকানাং তং সূর্যং প্রণমাম্যহম্ ॥ ৫॥
বন্ধূকপুষ্পসংকাশং হারকুংডলভূষিতম্ ।
একচক্রধরং দেবং তং সূর্যং প্রণমাম্যহম্ ॥ ৬॥
তং সূর্যং জগত্কর্তারং মহাতেজঃপ্রদীপনম্ ।
মহাপাপহরং দেবং তং সূর্যং প্রণমাম্যহম্ ॥ ৭॥
তং সূর্যং জগতাং নাথং জ্ঞানবিজ্ঞানমোক্ষদম্ ।
মহাপাপহরং দেবং তং সূর্যং প্রণমাম্যহম্ ॥ ৮॥
সূর্যাষ্টকং পঠেন্নিত্যং গ্রহপীডাপ্রণাশনম্ ।
অপুত্রো লভতে পুত্রং দরিদ্রো ধনবান্ভবেত্ ॥ ৯॥
আমিশং মধুপানং চ য়ঃ করোতি রবের্দিনে ।
সপ্তজন্ম ভবেদ্রোগী প্রতিজন্ম দরিদ্রতা ॥ ১০॥
স্ত্রীতৈলমধুমাংসানি য়স্ত্যজেত্তু রবের্দিনে ।
ন ব্যাধিঃ শোকদারিদ্র্যং সূর্যলোকং স গচ্ছতি ॥ ১১॥
ইতি শ্রী সূর্যাষ্টকস্তোত্রং সম্পূর্ণম্ ॥
